അഞ്ചൽ : ഒരു ദശാബ്ദകാലമായി കേരളം നേടിയെടുത്ത സമാനതകളില്ലാത്ത വികസന ക്ഷേമ പ്രവർത്തനങ്ങളുടെ നന്മകളെ ഇല്ലാതാക്കുവാൻ യുഡിഎഫ് നുണപ്രചരണങ്ങൾ അഴിച്ചുവിടുന്നുവെന്നു സിപിഐ സംസ്ഥാന സെക്രട്ടറി ബിനോയ് വിശ്വം അഭിപ്രായപ്പെട്ടു. ഇടതു മുന്നണിയുടെ നേതൃത്വത്തിൽ സംഘടിപ്പിക്കുന്ന വികസന മുന്നേറ്റ ജാഥയ്ക്ക് അഞ്ചലിൽ നൽകിയ സ്വീകരണത്തിനുശേഷം പ്രസംഗിക്കുകയായിരുന്നു ജാഥ ക്യാപ്റ്റനായ ബിനോയ് വിശ്വം.
അഞ്ചൽ ആർ ഓ ജംഗ്ഷനിൽ നടന്ന സ്വീകരണ യോഗത്തിൽ സംഘാടക സമിതി പ്രസിഡന്റ് കെ. ബാബു പണിക്കർ അധ്യക്ഷത വഹിച്ചു. ജാഥാ മാനേജർ എം.സ്വരാജ്, ജാഥ അംഗങ്ങളായ സി.എസ്. സുജാത, അഡ്വ. പി. വസന്തം, വി.ടി.ജോസഫ്, കെ. വി. ബാലസുബ്രഹ്മണ്യം, പി. കെ. രാജൻ മാസ്റ്റർ, യുജിൻ മൊറേലി, ഉഴമലക്കൽ വേണുഗോപാൽ, എ. ഷാജു, ജോർജ് അഗസ്റ്റിൻ, സി. പി. അൻവർ സാദത്ത്, ജോണി ചെറുവ്പറമ്പിൽ, എൽഡിഎഫ്. ജില്ലാ കൺവീനർ പി. എസ്. സുപാൽ. എംഎൽ എ, സിപിഎം ജില്ലാ ആക്ടിംഗ് സെക്രട്ടറി എസ്. ജയമോഹൻ, മന്ത്രി ജെ. ചിഞ്ചു റാണി, അഡ്വ.കെ. പ്രകാശ് ബാബു, മുൻ മന്ത്രി അഡ്വ. കെ രാജു തുടങ്ങിയവർ പ്രസംഗിച്ചു.